عرضت علي أختي الكبرى الفلوس فقالت تشترى بيها ايه قلتلها كمبيوتر وفعلا ادخل الكمبيوتر البيت وليته ما دخل نحن بيت ملتزم وميروحش ذهنكم لزواج عرفي ممكن يكون اهون بكتير لكن لبنت ملتزمة او عوزة الالتزام زيي ده يجيب النكسة لا ده الي حقوله اوعر من كده
وسالت ابي ان يوصل النت وبعد عناء اوصله

ودخلت عالما جديدا الياهو كان اول عالم

خبيث ,انا ملتزمة او اظن نفسي

كذلك ,حادثت شبابا عسي ان ابحث عن


صحبة صالحة بنات ولكن الي وقع في يدي

شباب قلت مابدهاش كلام برىء ولو لقيته

خالف اشيل ايميله وفعلا منهم شباب كويس

يعرض رايه وخلاص واخر متزوج سبحان الله

وملتزم احسبه كذلك لكن نقطة الحديث علي

النت مع بنات معتبرهم اخواته مش عارف

انهم ممكن يتفتنوا بيه


ومنهم اخر متزوج برضه ويعاني فراغا من

زوجته لانه التزم وبيفكر يتزوج باخرى وكان

ملتزم لكن فتن والله زمن فتن واخر حكايتي

معاه انه حاول يقولي انه احبني او اعجب

بي لكن مقدرش يقولها وانا فهمتها وقررنا

الانهاء لاننا اتعرفنا علي شاب ملتزم شيخ

يعني لكن لم يسلم برضه من الفتنة دي

وكنت اعتبره اخ فعلا مفتنتش بيه اعتقد لانه

كان خاطب سالته عن الكلام مع الاخوة قالي

لا يجوزالتحدث مع شباب لا الخاص ولا العام لكن العام في اضيق الحدود طب ماهو انت بتتكلم معايا اهوه لكن

هو معتبر نفسه شيخ وكنت مصاحبة خطيبته

وبصلح بينهم وارقق قلبها عليه "حسب

زعمي ودلوقت عرفت ان كل ده كان غلط

في غلط "المهم قالي مينفعش ولازم


تشيليهم قلتله حاضر وكان فعلا هوة النقلة

كان يقول قال الشيخ الحويني وانا اقوله قال

د عمرو خالد لحد ما مرة الشيخ ده قالي

عوزةتجادلي وخلاص ولا عوزة تعرفي الحق

بطلت جدال اتصدمت قلت لا,الحق قالي مينفعش

تخدي دينك من د عمرو خالد لأن ده دين

"فهمت بعد كده ممكن اخد تنمية بشرية انما دين من علماء"


شلت الشباب واحد ورا التاني والعجيب كنت عايشة في وهم

الحب في الله معهم او الاخوة فعلا كنت بسيب الواحد منهم زى ما

اكون بسيب اختي لي في الله وابكي والله هم يضحك وهم يبكي

لكن شتان شتان ده وهم زينه الشيطان اما الحب في الله نقاء و

طهر وصفاء استغفرك ربي من الذنوب واتوب اليك قولو امين

عشان ربنا يغفرلي لاني بحكيلكم عشان ما تتخدعوش


والشيخ نفسه قلت له اشيل ميلك بس بعد ما ظبطني ,هوة الوحيد

الي عرفني ساعتها علي منتديات اهل السنة وغرفهم ورماني في

وسطهم مع وجود بعض الغبش والدخن بس اهوه الواحد ما

بيتعلمش بالساهل الحمد لله وشلت ايميله

دخلت سكة اهل السنة وانا كنت ملتزمة بس بمنهج الاخوان وانا

مابعيبش عليهم الا العقيدة والتربية والاخلاص وعدم التعصب

والعلم الشرعي والرجوع للعلماء المهم دخلوني كونفرنس

لاخواني برضه ومنه لواحد كان طبيب ومن هنا مصيبة الانتكاس

الذي اتجرع مرارته حتي الان وحتي بعد التوبة والاقلاع التام لان

وجوده يطاردني في الفيس بوك الان فما دخلتش الفيس بوك

والله يعيني



وبعدين إيه

يا ترى إيه الي حصلها من الشاب ده
الشاب ده كان آية يمكن وهم زينه الشيطان لي لكن لا أعلي اعجابي به عن حب الله فالله رقم واحد في الحب عندي واسال الله الصدق ,لكن مرارة ,0اسال الله ان يخلصني منها وان يعوضني عنها خيرا لكن فعلا طبيب طلب العلم الشرعي صغيرا صوته ندي في القران الله المستعان فتن والله كقطع الليل المظلم اشتركت معاه في منتدي وغرفة وجروب انا وبنات علي شباب ونتكلم في الغرفه زى منكون اخوات وكلنا يدعي الالتزام والله يعلم شهوات القلب وشهوات الصد عنه سبحانه المهم قضيت سنة كاملة او اقل او اكثر وكان فعلا عبقري
وكنت اتجرع مرارة الاعجاب يوما بعد يوم حتي حدثت مشاكل وكلام علينا وكان هوة بارد في احساسه جدا يرمي شيطانه شباكه علي وهو لا يشعر باي شىء مما في قلبي او شعر واعرض الله اعلم والحمد لله ان الله صرف قلبه عني لان الله يريد لي الخير وتكلم الموشون عنا بالحب وغير ذلك مما لم اسمعه قانقلب علي مرة واحدة وكنت بقولكم عايشة في وهم او في مرارة الهوى واتباع شهوات النفس فاتدمرت بهذا وحاولت اصلح واشوف ايه الي حصل فقال الناس بيقولوا كذا شوفوا تلبيس الشيطان علي قلت لا الحاقدين عملوا كده عشان مانشتغلش سوا في الدعوة فسرت تفسير غلط بس ما كذبتش توهمت ذلك وبنيت عليه
الله المستعان والله اشعر بالتحرج وانا احكي والحياء من تلك الذنوب لكن انقل واقعا لكي لا تنخدع الفتيات واياكن ابدا في المنتديات المختلطة الا التي يغلب عليها النساء او لهن اقسام خاصة واياكن ثم اياكن بالحديث مع شاب عالخاص بحجة اي شىء فتلك الشبهة او الحرام بعينه وسمعت من الشيخ صفوت حجازى انها خلوة محرمة شرعا
المهم تصالحنا او زين لنا الشيطان وفعلا تعلمت بدايات العلم الشرعي وكان يفعل مثل اخي يشجعني كثيرا ويعينني علي ثقتي بنقسي لكن احب اقولكو تاني ان ده وهم لان ما ينال بغير رضا الله لا يكون فيه خير السنة دى كانت اكتر سنة نزلت فيها في الكليةلا وكمان شلت مادة ترم واحد وده من ستر ربنا والله ومكنتش بقدر اذاكر من عشقي للنت انا عادة مدمنة للنت لكن دلوقت موصلة النت وعارفه هدفي لو ادمنت يبقي قعده قدام شيخ او بسمع درس من اخوات او بكتب موضوع او شعر او ابحث عن قضية او اصلح الجهاز
اما قبل كذلك فكان ادمان هوى وشات وكلام وتعارف
وربنا كل شوية يبعتلي رسايل واقول خلاص حشيل الشباب شلتهم واحد ورا التاني للمرة التانية والاخ ده كمان ثم مالبثت الا ورجعته تاني واخين معاه الله المستعان
شوفوا التلبيس وشوفوا الاخطاء نقعد طول الليل نتحدث سوالوحدنا او بوجود باقي الجروب واخر ساعة نقيم الليل والصبح جلسة الضحي مش ذكر وقران لا شات وده طبعا بعد صلاة الفجر الي بخطفها او احاول اظهر فيها الخشوع والتركيز الذي لا اقدر عليه فالقلب وعاء ضيق للمعصية والطاعة سويا ولكنه واسع لاي منهما وحده
باسم الدين
باسم طلب العلم
باسم الدعوة والافكار
ضيعت ديني الفترة دى الا ان الله معي جل جلاله واسال الله الهداية للحق و الثبات علي الحق للمات انه ولي ذلك والقادر عليه
الله اعانني ان اعرف اهل السنة وحب النقاب وطريق الهدي واريد ان ارجع لسالف ايامي
النت فصل وبعده الجهاز خرب وابي بعدها لم يوصل النت لان بياثر علي مذاكرتي بعد قرابة السنة والنصف من توصيل النت: الخبرات والاخطاءوالثقافةالواسعة
ادعولي اخواتي ان اتخلص من هذا الهاجس المر الذي يشعرني بضياعي او يقوم الشيطان باستغلاله كنقطة ضعف
لكن بفضل الله لبست النقاب واقبلت بفضل الله علي الشيوخ والحملات الدعوية واحسست اني وجدت نفسي وعاهدت الله ان النت لو جه امسح كل مافات واعيد اتصالي بالاخوات الطاهرات الذي يقربني حبهن لرب الارض والسماوات
وبالفعل وصل النت واصبحت مش ملاحقة من كتر الاخوات الصالحات بفضل الله من غرفة لمنتدي نسائي, لمنتدي اخريغلب عليه نساء لغرفه اخرى بفضل الله وحده المنان
والان اشعر بتقزز للمعصية بل وقرف منها فعلا
لان بيئة النقاء والطهارة لازم تطرد اي حاجة تدنسهاحتي لو كانت محبوبة للنفس لكن النفس مسيرها تتقهر لحب الله حتي تتمناه هي
اوعوا تتخدعوا
دي نصيحتي ووصيتي بلاش الخاص والشباب

تلك رسالة الأخت التي أبعث بها إليكم حتي لا تنخدع فتاة علي وشك الوقوع في ذلك ومن وقعت فلتستغفر الله ومن لم تقع فلتحمد الله وتسال لبنات المسلمين السلامة والعفاف والازواج الصالحين اللهم آمين

هدانا الله واياكي و بنات المسلمين لما يحب ويرضي

اللهم جنبنا السوء واهله

اللهم ارنا الحق حقا وارزقنا اتباعه

وارنا الباطل باطلا وارزقنا اجتنابه
اللهم امين ربنا يتقبل منا ويسترها علينا

اشكرك يا استاذة علي مرورك

وفيكي بارك الرحمن اخيتي

شاكرة لتواجدك معنا

تحياتي