يارب خدنى بقى وريحنى!!!!!
يا رب خدني وريحني بقي
نفسي اموت وارتاح من اللي انا فيه :
ليه بس يا ربي كده :
...
الجمل ده بنسمعها كتيـــــــــر للاسف من ناس حوالينا :
ويمكن يكون مننا اللي بيقولها وقت ضيقه او زعله :
بس تفتكروا اصلا الكلمات والجمل ديه صح نقولها؟؟؟
لو ركزتوا في معني الجمل والكلام هتلاقوا فيهم ولعياذ بالله
اعترااااض علي قضاء وامر الله :
طيب بالله عليكم ده ينفع؟؟؟
مهما كان اللي حصل او مهما كان حجم المشكله
في حاجه تستاهل انك تعترض علي قضاء رب العالمين؟؟
ماهو اللي انت معترض عليه ده وحاسس انه شر .. ربك هو اللي ابتلاك بيه :
وابتلاء ربنا ليك في كل الاحوااااال خير ليك :
ما هو اصل رب العالمين مش بيبتلي غير عبده اللي بيحبه :
ايوه علشان بيحب يسمع صوت عبده وهو بيتقرب منه وبيدعي من قلبه :
يبقي ربك بيبتليك علشان عاوزك تقرب منه وانت تزعل وتتمني الموت؟؟؟
وبعدين ايه عرفك اصلااا ان الحاجه ديه لو كانت حصلت زي ما انت عاوز كانت هتبقي فيها خير ليك ؟؟
مش الاكيد ان ربك بيبعد عنك كل اللي فيه شر واذي ليه وبيكتبلك اللي فيه خير ومصلحه ليك؟؟
بلاااش نتسرع ونحكم من منظورنا وعلمنا الضيق بالامور
وخلينا عارفين دايما ان كل اللي كتبهولنا ربنا حبيبنا كله خير:
ومحدش ابدا ابدا يتمني الموت او يقول لية بس كده ياربي :
وقت المشكله او المصيبه لازم نقول الحمد لله رب العالمين :
راضي يا ربي بقضاءك وبحكمك وامرك مهما يكون :
رب العالمين بيقول في كتابه العزيز
"وَمَا خَلَقْتُ الْجِنَّ وَالإِنسَ إِلاَّ لِيَعْبُدُونِ"
يعني احنا اصلا اتخلقنا في الدنيا علشان نعبد ربنا ونمتثل لاوامره مش عشان نعصيه :
وكمان في ايه كريمه بتقول
(قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ)ا
يعني انا وانت وهو وهي المفروض دايما نجدد نيتنا في حياتنا كلها انها لله رب العالمين :
وكل اعمالنا وحتي وفاتنا نتمناها تكون بالشكل اللي يرضي رب العالمين :
ها بقي يا شباب ويا بنات هنحاول دايما نفتكر الكلام ده قبل ما نقول اي جمله من الجمله الوحشه ديه؟؟
ممكن بقى قبل ما امشي افكركم بحاجتين كمان مهمين اوي :
أولا : الازكادر والتسبيح اياكم تنسوا اذكروا الله يذكروكم ولا تنسوا قول الله تعالى فى الحديث القدسى
( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير
منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .
وما اجمل ان يذكرنا لمولى عز وجل
ثانيا : محدش ينـــام من غير ما يصلي القيام :
ماهو مش معقول تفوت يوم كده من غير ما تشكر ربك حبيبك على كل نعمه وافضاله عليك :
ولا كمان معقول تضيع منك فرصه انك تقف بين يدي الرحمن وتدعيه وطلب منه كل اللي بتتمناه ونفسك فيه :
ربنا يحبكم ويرضي عنكم جميعا يارب :
اللهم انى اسالك الرضا بعد القضاء
اللهم انى اشهد انى راضية بقضاءك
الموضوع الأصلي : يارب خدنى بقى وريحنى!!!!! المصدر : منتدى رحيق الفردوس